Xxx

Яг одоо би таныг єєртєє авмаар байна
Ярих мэт нvдийг чинь,
Харах мэт vгийг чинь...
Эзэлмээр байна би таныг
Итгэлтэй зvрх чинь хэрхэн итгэлээ гээж
Илбэдvvлсэн мэт уйлан шархирахыг сонсмоор байна
Тархины чинь хаа нэгтээ vvрээ засчихаад нисч
Тасарсан утастай гитар шиг хэрэггvй болохыг чинь vзмээр байна
Тэвдэж vзээгvй амгалан царай чинь тvгшvvрээр дvvрч
Тээр болсон дурлалынхаа амтанд шархдан унаж
Яг одоо хvслээ нуучихаад ажиггvй инээмсэглэх
Ягаахан уруул чинь хэрхэн чичрэн цайхыг хармаар байна
Хэнд ч хэлж ззээгvй сайхан vгсээ цуглуулж
Хичнээн дахин бичсэн шаналлын захиагаа базаж
Єєрийн минь нэрийг шивнээд цєхрєн уйлахын тєлєє
Єєдєєс чинь харж суугаад хундага єргєн инээмсэглэнэм


Б.Ичинхорлоо: Тэртээх хаврын өдрүүдийнх шиг…


Тэртээх хаврын өдрүүдийнх шиг
Хөтлөлцөөд нэг алхалмаар
Тийм яруу мөч
Хүлгийн төвөргөөн шиг нижигнэн
Уйтай сэтгэлийн аниргүйг сэрээж
Уулга алдан айсуй
Үгүй дээ, хайрт минь би мартаж чаддаггүй
Үнэндээ чи ч бас мартагдахыг хүсдэггүй
Харцны чинь гэгээнд шүлэг тэрлэж явахад
Хаврын шувуудын дуун эцээд болдоггүй
Заяа заяагаа дагасан тавилан гэж байхаас
Зайгүй дотнохон сэтгэлд хагацал гэж байдаггүй
Мянган хунгийн жигүүрийн салхинд сэмрэх
Мяндсан уул шиг хэврэгхэн сэтгэл надад байдаггүй
Орь залуу нас хийгээд гуниг уйтгарын тухай
Одоо би шүлэглэхээ больсон
Өтгөн мөчирт зугаацаж ханаад гургалдай нисэн одох мэт
Өнгөрч одсон дурсамжаасаа аажуухан залхах болсон
Чинйи тухай мөрөөдөж ханасаан, амраг минь
Цээжин дэх нууцаа задлахыг чинь харин хүлээхгүй
Аянч хун нуурын мандалд буух шиг л
Алжааж хүлээсэн цаг мөчүүд миний мэдэлд ирлээ
Мянган жил өнгөрөвч шинэхэн байх үгийг
Магад одоо л хэлье, чамд би хайртай